اسلام آباد (این این آئی)پی آئی اے کی جانب سے سعودی عرب کیلئے بکنگ کا معاملہ ،15 ستمبر سے اجازت ملنے کے ساتھ ہی پی آئی اے نے بکنگ کا آغاز کردیا تھا ،پی آئی اے کوویڈ کے باعث ہفتہ وار 23 پروازوں تک محدود ہوکر رہ گیا تھا ۔ ترجمان پی آئی اے کے مطابق بکنگ پر بے پناہ رش کے باعث پی آئی اے نے سعودی انتظامیہ سے

مزید 28 پروازوں کی اجازت طلب کرلی ۔ ترجمان کے مطابق ایک سے دو روز میں اجازت نامہ متوقع ہے جس کے بعد فلائیٹ آپریشن کو وسعت دی جائے گی ،اس سلسلے میں پی آئی اے انتظامیہ سعودی حکام سے مسلسل رابطے میں ہے ،مزید پروازوں کیلئے تیاری کرلی ہے اجازت ملتے ہی بکنگ کیلئے دستیاب ہو جائیں گی ۔