لاہور (آن لائن) صوبائی وزیر اطلاعات فیاض الحسن چوہان نے  قومی اسمبلی میں قائدِ حزبِ اختلاف شہباز شریف سے مستعفی ہونیکا مطالبہ کر دیا ہے ۔ اپنے ایک بیان میں وزیرِ اطلاعات پنجاب فیاض الحسن چوہان  نے کہا کہ   زیادتی کیس پر شہباز شریف کو مثبت موقف کے ذریعے قوم کی

نمائندگی کرنی چاہیے تھی۔انہوں نے کہا کہ قائدِ حزبِ اختلاف نے اپنی دروغ گوئی، کم عقلی اور بے سروپا بیان سے قوم کو مایوس کیا ہے، لاہور سیالکوٹ موٹر وے کا جھوٹا کریڈٹ لینے پر شہباز شریف کو شرم سے ڈوب مرنا چاہیے۔فیاض چوہان نے کہا کہ لاہور سیالکوٹ موٹر وے پرویز الہٰی کی وزارتِ اعلیٰ کے دوران شروع کی گئی، فرانزک سائنس لیبارٹری کی داغ بیل بھی 2007ئ  میں چوہدری پرویز الہٰی نے ڈالی۔انہوں نے مزید کہا کہ شہباز شریف اپنے بیان کی وجہ سے سی سی پی او لاہور کی پوزیشن پر کھڑے ہیں، اپنے تمسخرانہ بیان سے شہباز شریف نے متاثرہ خاندان اور پوری قوم کا دل دکھایا۔ فیاض الحسن چوہان نے اپنے بیان میں یہ بھی کہا ہے کہ میرا مطالبہ ہے کہ شہباز شریف استعفیٰ دیں۔