دنیا کے عجائبات میں شمار کی جانے والی دیوارِ چین کی چوری کا سلسلہ ایک طویل مدت سے جاری ہے اور آپ کو یہ جان کر شدید حیرت ہوگی کہ اب تک دیوارِ چین کا 30 فیصد حصہ چرایا بھی جا چکا ہے-
جی ہاں دیوارِ چین کی چوری کا یہ کارنامہ حضرتِ انسان کے سر ہی جاتا ہے جنہوں نے یہاں سے اینٹیں چرا کر اپنے گھر تعمیر کرلیے ہیں-

منگ دور میں تعمیر کی جانے والی اس ہزاروں کلومیٹر طویل اس دیوار کا 1962 کلومیٹر کا ایک حصہ وقت کے ساتھ ساتھ غائب ہوچکا ہے-

گزشتہ سال گریٹ وال آف چائنا سوسائٹی کے ایک سروے کے مطابق تاہم دیوارِ چین کا کچھ حصہ موسموں کی وجہ سے بھی تباہی کا شکار ہوگیا ہے جبکہ اس کے متعدد مینار کمزور ہونے کی وجہ سے لرز رہے ہیں-
اس کے علاوہ دیوارِ چین کی کئی موٹی اینٹیں نکال کر فروخت کردی جاتی ہیں جبکہ یہاں سے نکالی جانے ولی سلیبیں 30 یوآن میں فروخت کی جاتی ہیں جنہیں بعد میں کسی گھر کی تعمیر میں استعمال کیا جاتا ہے