اسلام آباد ( آن لائن ) حکومت کی جانب سے مختلف اداروں میں اہم تعیناتیوں کے دوران مفادات کے ٹکرائو کا سلسلہ جاری ہے اور مشیر تجارت رزاق دائود کی ہدایت پر اینگروکے ڈائریکٹر عاصم مرتضی خان کو پاکستان ایل این جی ٹرمینلز لمیٹڈ کا چیئرمین بھی مقرر کردیاگیا ہے ۔ ذرائع کے مطابق عاصم مرتضی خان اینگرو کے نہ صرف ڈائریکٹر ہیں بلکہ ان کے بھاری معاوضہ بھی لیتے ہیں ۔
دوسری طرف ایل این جی کی درآمد اور ٹرمینلز میں بھی اینگرو کا اہم کردار ہے ان کو مالی فائدہ پہنچانے کیلئے عاصم مرتضی خان کو ہی پاکستان ایل این جی ٹرمینلز لمیٹڈ کا چیئرمین مقرر کردیاگیا ہے ،ذرائع کے مطابق ان کی سفارش مشیر تجارت رزاق دائود نے کی تھی جو اس سے پہلے بھی اپنے بیٹے کو کورونا وائرس کی روک تھام کے حوالے سے ضروری آلات و سازوسامان کی ایکسپورٹ کا ٹھیکہ دلوا چکے ہیں ۔
