کراچی(این این آئی)کراچی کا گرم موسم جھیلنے والے شہری ابر کرم برسنے کے منتظررہتے ہیں، گزشتہ روز بارش کی خوشی میں اداکار ہمایوں سعید تو بھنگڑاڈالنے پرمجبور ہوگئے۔سوشل میڈیا پربہت سے شوبز ستاروں نے اپنے اپنے انداز میں بارش انجوائے کرتے ہوئے ویڈیوز اور تصاویرشیئر کیں۔ ہمایوں سعیدتو تیز بارش میں پارک میں
بھیگتے نظر آئے اوراسی خوشی میں بھنگڑا ڈالتے ہوئے ویڈیو ٹوئٹر پرشیئر کی۔اداکار نے کیپشن میں لکھا خوشی ہے کہ بالآخربارش ہورہی ہے۔ہمایوں کی ویڈیو پرتبصرہ کرتے ہوئے اداکار شان شاہد نے لکھا بیشک یہ اللہ کی رحمت وبرکت ہے۔ہمایوں کے مداحوں نے اپنے پسندیدہ اداکار کو خوش دیکھ کرویڈیو کیلئے بھی پسندیدگی ظاہر کی۔