اسلام آباد (این این آئی) پبلک اکائونٹس کمیٹی کی ذیلی کمیٹی کی کنوینئر شاہدہ اختر نے کہا ہے کہ سونامی ٹری منصوبے میں جڑی بوٹیوں کو بھی اس کا حصہ بنایا گیا ۔ منگل کو شاہدہ اختر علی کی زیر صدارت پبلک اکائونٹس کمیٹی کی ذیلی کمیٹی کا اجلاس ہوا جس میں موسمیاتی تبدیلی کے آڈت پیراز کا جائزہ لیا گیا ۔

آڈٹ حکام نے بتایاہ محکمہ موسمیاتی تبدیلی کی جانب سے دستاویزات مکمل نہیں دی گئیں ،محکمہ موسمیاتی تبدیلی نے 2 کروڑ 50 لاکھ روپے کی رقم خرچ نہیں کی اور واپس کردی ،یہ رقم دوبارہ اے جی پی آر نے محکمہ موسمیات کو دیدی ،اے جی پی آر کو یہ اختیار ہی نہیں ہے کہ قومی خزانے میں واپس کی گئی رقم دوبارہ وزارت کو دیدے،کمیٹی نے معاملے کی دوبارہ ڈپارٹمنٹ آڈٹ کروانے کی ہدایت کردی۔ بتایاگیاکہ صوبائی اسمبلی خیبر پختونخواہ کی کمیٹی نے سونامی ٹری منصوبے کا دورہ کیا۔ کنوینئر کمیٹی نے کہاکہ دورے کے دوران موسمیاتی تبدیلی نے کوئی تعاون نہیں کیا ،سونامی ٹری منصوبے میں جڑی بوٹیوں کو بھی اس کا حصہ بنایا گیا ۔ سیکرٹری موسمیاتی تبدیلی نے کہاکہ سونامی ٹری منصوبے کو عالمی اداروں نے بھی تسلیم کیا ہے ۔ ریاض فتیانہ نے کہاکہ ٹین بلین ٹری منصوبے میں نیشنل ہائی وے اتھارٹی ریلوے کینال ایری گیشن کو بھی ساتھ لے کر چلیں ،ان کے بغیر آپ ٹارگٹ حاصل نہیں کرسکتے ۔ریاض فتیانہ نے کہاکہ ریلوے اور نیشنل ہائی وے اتھارٹی کیساتھ لاکھوں ایکڑ زمین خالی ہے ۔اجلاس کے دور ان این ڈی ایم اے کے چیئرمین کی عدم شرکت پر کنوینئر کمیٹی برہم ہوگئیں اور کہاکہ این ڈی ایم اے کے چیئرمین آج بھی نہیں آئے ۔ شاہدہ اختر علی نے کہاکہ اس سے قبل بھی دو بار کمیٹی کا اجلاس چیئرمین این ڈی ایم اے کئی غیر موجودگی میں ملتوی کرنا پڑا ۔کمیٹی نے کہاکہ بغیر کسی اطلاع کے چیئرمین این ڈی ایم اے شریک نہیں ہوئے ۔ ریاض فتیانہ نے کہاکہ چیئرمین این ڈی ایم اے اس وقت کہاں پر ہیں۔ ممبر این ڈی ایم اے نے کہاکہ چیئرمین صاحب اس وقت کراچی سے کوئٹہ جارہے ہیں ۔ ریاض فتیانہ نے کہاکہ آئندہ احتیاط کریں اور نہ آنے کی صورت میں بروقت آگاہ کریں