لاہور (نیوزڈیسک) جامعہ پنجاب نے سابق وزیراعظم یوسف رضا گیلانی کے بیٹے عبدالقادر گیلانی کی ڈگری کو منسوخ کردیایونیورسٹی ذرائع کے مطابق عبدالقادر گیلانی نے 2005 میں پنجاب یونیورسٹی کے زیر اہتمام بی اے کے سالانہ امتحانات میں حصہ لیا، اس دوران ان پر یو ایم سی بنایا گیا تاہم اس کے باوجود 2006 میں انھیں بی اے کی ڈگری جاری کردی گئی۔جامعہ پنجاب کی سنڈیکیٹ کمیٹی کے اجلاس میں سابق وزیراعظم گیلانی کے صاحبزادے عبدالقادر گیلانی کی گریجویشن کی ڈگری سے متعلق معاملہ زیر غور آیا اس سے قبل پنجاب یونی ورسٹی کے حوالے سے الزام لگایا گیا تھا کہ یونی ورسٹی نے انہیں جعلی ڈگری جاری کی۔ کمیٹی کے اجلاس میں بتایا گیا کہ سید عبدالقادر گیلانی پرالزامات تھے کہ انہوں نے نہ صرف امتحانی سینٹر تبدیل کرایا بلکہ امتحانی سینٹر کے اندر شورشرابا بھی کیا۔کمیٹی میں بتایا گیا کہ اسی بنیاد پر ان کے خلاف یو ایم سی کیس بنایا گیا جس میں ان کو فیور دی گئی اورالزامات کو سنگین قرار نہیں دیا گیا تاہم دوبارہ انکوائری کے بعد ان پر دو الزامات کے علاوہ یہ بھی ثابت ہوا کہ انہوں نے جوابی کاپی کسی متبادل امیدوار سے حل کرائی جس کی رائٹنگ کا پرنٹ حاصل کرکے ان کی ڈگری کو جعلی قراردیا گیا اوراسے فوری طور پر کینسل کردیا گیا ہے، اس سلسلے میں احکام بھی جاری کردیے گئے ہیں۔ دوسری جانب انسداد کرپشن اسٹیبلشمنٹ نے ایف آئی کی جانب سے کیس دیے جانے کے بعد معاملے پر تحقیقات شروع کردیں تاہم تحقیقات اس وقت روک دی گئیں جب ایک ڈپٹی ڈائریکٹر کا تبادلہ ہوگیا جو دو رکنی انکوائری ٹیم کی سربراہی کررہے تھے۔کیس کو دوبارہ کھولا گیا اور پنجاب یونیورسٹی نے انکوائری کا آغاز کیا سینڈیکیٹ نے اکثریتی ووٹ سے فیصلے کیا کہ عبدالقادر کی بی اے کی ڈگری منسوخ کردی جائے۔