فیصل آباد(این این آئی)آل پاکستان کلرکس ایسوسی ایشن(ایپکا)کے ڈویژنل صدر چوہدری امتیازاحمدتتلہ،جنرل سیکرٹری چوہدری ذوالفقارعلی کاہلوں،ڈویژنل چیئرمین محمدیاسرخورشیدرانا،سینئرنائب صدر میاںمقصوداحم، چوہدری شہبازاحمد چٹھہ، رضوان چٹھہ،صداقت علی بلوچ، محمد رضوان چٹھہ،ایڈیشنل جنرل سیکرٹری اکبرعلی بٹ،صوفی عبدالحفیظ،جاویداقبال،رانا محمد شبیر،رانا احسان الحق اوردیگرنے
حکومت کی جانب سے مختلف اداروں سے اسکیل ایک تا 16سرکاری ملازمین کوملازمت سے فارغ کرنے کے فیصلے کی شدیدمذمت کرتے ہوئے اس کو واپس لینے کا مطالبہ کردیا۔ ایپکا رہنمائوں نے استفسارکیا کہ عمران حکومت نے عوام کو ایک کروڑ نوکریاں دینے اور 50لاکھ گھر بنا کر دینے کا جو وعدہ کیا تھا،وہ کیا ہوا؟ انہوں نے کہا کہ پاکستان کے قومی ادارے پی آئی اے، پاکستان اسٹیل،ریلوے،واپڈا اور اب پاکستان ٹورزم بند کرکے 400ملازمین کو ایک حکم کے ذریعے ملازمت سے نکال دینا غریب ملازمین کے ساتھ دشمنی اورانہیں زندہ درگورکرنے کے مترادف ہے۔چوہدری ذوالفقارعلی کاہلوںنے کہا کہ ہوشربامہنگائی کے دورمیں ملازمین کو نوکریوںسے نکالناحکومت کی بے حسی کا واضع ثبوت ہے حالیہ بجٹ میںغریب ملازمین کی تنخواہیںتو نہ بڑھائی گئیںلیکن وزیر اعظم،وزراء، مشیروں اور اراکین اسمبلی کی تنخواہیں کئی گناہ بڑھاکر اور سرکاری ملازمین کو بجٹ میں ریلیف نہ دے کرپاکستان تحریک انصاف کی حکومت اپنے ہی منشور کے خلاف اقدامات کر رہی ہے انہوں نے کہاکہ سرکاری ملازمین کی داد رسی نہ کی گئی تو تسلسل کے ساتھ ہر سطح پراحتجاجی تحریک کوشروع کیاجائے گا۔ ایپکا رہنمائوں نے استفسارکیا کہ عمران حکومت نے عوام کو ایک کروڑ نوکریاں دینے اور 50لاکھ گھر بنا کر دینے کا جو وعدہ کیا تھا،وہ کیا ہوا؟
