بیجنگ(این این آئی) چینی وزارت خارجہ کے ترجمان ژاو لی جیان نے سی پیک منصوبے اور وزیر اعظم عمران خان کے بیان پر تبصرہ کرتے ہوئے کہا ہے کہ ہم چین پاکستان اقتصادی راہداری پر وزیر اعظم عمران خان کے بیان سے متفق ہیں۔ ایک بیان میں چینی وزارت خارجہ کی ترجمان نے کہاکہ یہ چین پاکستان اقتصادی راہداری منصوبہ بیلٹ اینڈ روڈ پروگرام کا اہم ابتدائی پائلٹ منصوبہ ہے۔ترجمان چینی وزارت خارجہ کے مطابق چھ برس قبل شروع کیے جانے والے اس منصوبے کا مقصد پاکستان اور چین مشترکہ ترقی کو فروغ دینا ہے ، سی پیک نے پاکستان
کی اقتصادی و معاشرتی ترقی اور عوامی فلاح و بہبود اور علاقائی منسلکی میں اضافہ کیا ہے۔ انہوں نے کہاکہ چین سی پیک کی ترقی کی حمایت جاری رکھے گا،چین پاکستان کی جانب سے ہماری قیادت کے اتفاق رایے شدہ ترقی پر عملدرآمد کی حمایت جاری رکھے گا،چین انفراسٹرکچر ڈیویلپمنٹ کے لئے کام کی حمایت جاری رکھے گا،عوام کے زریعہ معاش, صنعت اور زرعی تعاون کے فروغ کی حمایت جاری رکھے گا،چین اس منصوبے کو ایک اعلی معیارکا بی آر آئی منصوبہ بنانے کی حمایت کرے گا جس سے دونوں ممالک کے عوام کامعیار زندگی بہتر ہو۔
