اسلام آباد (مانیٹرنگ ڈیسک)شاہد آفریدی نے ایک انٹرویو میںپاک بھارت میچ سے متعلق بات کرتے ہوئے کہا کہ پاکستان نے بھارتی ٹیم کی جم کر پٹائی کی ہے ۔ ان کا کہنا تھا کہ بھارت میں کرکٹ کھیل کر ہمیشہ انجوائے کیا ، آج بھی بھارت کی طرف سے ملنے والے بیان پر قائم ہوں ۔ ان سے سوال پوچھا گیا کہ کیا آپ وزیراعظم بننے شوق ہے ؟ جس کا جواب دیتے ہوئے قومی ٹیم کے سابق کپتان شاہد آفریدی نے
ہاتھ جوڑتے ہوئے کہا کہ خدا کی قسم کوئی شوق نہیں ہے مجھے ، میں کام کر رہا ہوں مجھے کرسی کی بھی ضرورت نہیں ہے الحمد لله کام ہو رہے ہیں ، جب چاہت ہو تو راستے خود بخود نکلتے ہیں ، الله کروا رہا ہے کام ، عمران خان اچھے لگ رہے ہیں وزیر اعظم، مجھے کوئی شوق نہیں ہے ۔ ایسے سوالا ت کے جوابات دے کر میں اب تھک چکا ہوں اور جب بھی کوئی مجھ سے یہ سوال پوچھتا ہے تومیں بیزار ہو جاتا ہوں ۔
