لاہور(این این آئی)قومی احتسا ب بیورو ( نیب ) لاہور نے لیگی رکن اسمبلی برجیس طاہر کیخلاف تحقیقات کا دائرہ کار وسیع کردیا۔نیب لاہور نے برجیس طاہر سے اسلام آباد اور ننکانہ میں پراپرٹیز اور اکاونٹس سے متعلق تفصیلات طلب کر لیں۔ اسلام آباد سیکٹر جی میں خریدے گئے فلیٹ اور پیمنٹ کے طریقہ کار سے متعلق تفصیلات پیش کرنے کی ہدایت کی گئی ۔نیب کی جانب سے کہا گیا ہے کہ جی 10 اسلام آباد میں

فلیٹ نمبر کے عدالتی کاروائی سے متعلق آگاہ کیا جائے اور بتایا جائے کہ فیلٹ کا معاملہ عدالتی فیصلے سے ہوا یا عدالت سے باہر سیٹلمنٹ ہوئی،اسلام آباد جی سیکٹر میں حاصل کیے گیے پلاٹ کی انسٹالمنٹ کی تفصیلات ،سانگلہ ہل میں حاصل کیے گئے 2 پلاٹس کی پیمنٹ کی شواہد ،اپنے اور اپنیفیملی کے اکاونٹس ،سیونگ سرٹیفکیٹ سمیت تمام تفصیلات ،زرعی انکم کیا ہے اور اسکے علاوہ سورس آف انکم کیا ہے ان کی تفصیلات جمع کروائیں۔

موضوعات:برجیس طاہر