اسلام آباد(این این آئی) احتساب عدالت نے پارک لین ریفرنس میں سابق صدر آصف زرداری پر فرد جرم عائد کرنے کا فیصلہ کیا ہے، طبیعت خراب ہونے کی صورت میں پیر کو ان کے گھر یا ہسپتال سے ویڈیو لنک کے ذریعے فرد جرم عائد کی جائے گی۔اس حوالے سے رجسٹرار احتساب عدالت اسلام آباد نے نیب کراچی کو انتظامات مکمل کرنے کے لیے خط لکھا ہے جس میں کہا گیا ہے کہ آصف علی زرداری کی صحت خراب

ہونے کی صورت میں ویڈیو لنک کا بندوبست کیا جائے اور پیر کو نیب کراچی آصف علی زرداری سمیت تمام ملزمان کی حاضری یقینی بنائے۔خط میں نیب کراچی کو کہا گیا کہ ملزمان خواجہ انور مجید، فاروق عبداللہ سمیت دیگر پر پیر کی صبح ساڑھے 9 بجے فرد جرم عائد کی جائے گی جس کے لیے تمام تر ضروری انتظامات کیے جائیں، ملزمان کی شناخت کے لیے نیب معاونت کے لیے اپنے نمائندے مقرر کرے۔

موضوعات:آصف علی زرداری پر فرد جرم عائد کرنے کا فیصلہ