اسلام آباد (این این آئی)پاکستان میں پب جی گیم پر پابندی کا فیصلہ اسلام آبادہائیکورٹ میں چیلنج کر دیا گیا ۔ درخواست گزار کے مطابق پاکستان میں پب جی کا ٹورنامنٹ جیتا اب دس جولائی کو پب جی ورلڈ لیگ میں شامل ہونا ہے، تعلیمی اداروں میں نمبر کم ہونے کی وجہ سے اموات پر کیا تعلیمی ادارے بند کئے جاتے ہیں، درخواست میں کہاگیاکہ الیکٹرانک اسپورٹس دنیا کی سب سے بڑی انڈسٹری ہے، پب جی گیم

آن لائن پیسے کمانے کا سب سے بڑا زریعہ ہے۔درخواست میں کہاگیاکہ پب جی گیم پر پابندی سے بڑی کمپنیوں کی اسپانسرشپ ختم ہونے کا خدشہ ہے، اسپانسر شپ ختم ہونے سے پاکستان کو بے حد معاشی نقصان ہوگا۔ درخواست میں کہاگیاکہ پب جی گیم پر پابندی سے پاکستان الیکٹرانک اسپورٹس میں بلیک لسٹ ہوسکتا ہے، ۔ درخواست میں استدعا کی گئی کہ پی ٹی اے کی جانب سے پب جی گیم پر پابندی کا فیصلہ کالعدم کیا جائے۔