اسلام آباد ( آن لائن)سابق معاون خصوصی برائے اطلاعات و نشریات فردوس عاشق اعوان نے کہا ہے کہ ان کی بیرون ملک کوئی جائیداد نہیں ہے اگر سپریم کورٹ کے معزز جج جسٹس قاضی فائز عیسیٰ کے پاس میری بیرون ملک جائیداد سے متعلق واضح شواہد ہیں تو مجھے اس جائیداد کا مقام بھی بتائیں اور قبضہ بھی لیکر دیں۔خبر رساں ایجنسی سے خصوصی گفتگو میں فردوس عاشق اعوان کا کہنا تھا کہ جسٹس قاضی فائز عیسیٰ کا کیس سپریم کورٹ میں زیر سماعت ہے
انہوں نے مجھ پر الزام لگایا ہے کہ میری بھی بیرون ملک جائیداد ہے اگر ایسا ہے تو مجھے میری جائیداد کا ایڈریس فراہم کیا جائے اور اس کا قبضہ بھی دلوائیں کیونکہ میں ایک غریب سیاستدان ہوں میری اگر بیرون ملک جائیداد ہے تو پھر میری لاٹری نکل آئی ،میری جسٹس قاضی فائز عیسی سے درخواست ہے کہ وہ میری رہنمائی فرمائیں اور اگر ان کے نزدیک میں بیرون ملک جائیداد رکھتی ہوں تو اس کے حصول میں میری مدد کریں میں ان کی بڑی مشکور ہوں گی ۔
