اسلام آباد (این این آئی)این ڈی ایم اے کی طرف سے صوبوں، اسلام آباد، آزاد کشمیر اور گلگت بلتستان کو دیئے گئے ونٹیلیٹرز کی تفصیلات جاری کر دی گئی جس کے مطابق مجموعی طور پر مختلف اقسام کے 286 ونٹیلیٹرز دیئے گئے۔ ترجمان کے مطابق صوبہ پنجاب کو 72 ونٹیلیٹرز دیئے گئے،پنجاب کے ونٹیلیٹرز میں 36 آئی سی یو اور 36 بائی پیپ شامل ہیں ،سندھ کو 74 ونٹیلیٹرز دیئے گئے،سندھ کے ونٹیلیٹرز میں 26 آئی سی یو اور 48 بائی

پیپ شامل ہیں ،خیبر پختونخواہ کے 52 ونٹیلیٹرز میں 26 آئی سی یو اور 26 بائی پیپ شامل ہیں،بلوچستان کو دیئے گئے 25ونٹیلیٹرز میں 10آئی سی یو اور 15بائی پیپ ہیں،آزاد کشمیر کو 10بائی پیپ ونٹیلیٹرز مہیا کیے گئے۔ترجمان کیمطابق گلگت بلتستان کے 17 ونٹیلیٹرز میں 10بائی پیپ اور 7پورٹ ایبل ونٹیلیٹرز شامل ہیں، اسلام آباد میں 36 ونٹیلیٹرز دیئے گئے،اسلام آباد کے ونٹیلیٹرز میں 17 ائی سی یو، 17 بائی پیپ اور 2 پورٹ ایبل ونٹیلیٹرز شامل ہیں۔‎