کراچی (این این آئی) محمد علی جناح یونیورسٹی کراچی (ماجو) کے صدر پروفیسر ڈاکٹر زبیر شیخ نے کوویڈ 19وبائی بیماری کے بحران کے پیش نظر موجودہ سیمسٹر اسپرنگ۔20 کے لئے آن لائن امتحانات کی پالیسی کی منظوری دے دی ہے جن کے انعقاد کا اعلان جلد کیا جائے گا۔
آن لائن امتحانات تین طرح لئے جاسکیں گے جو آن لائن پراکٹرڈ،اوپن بک /اوپن نوٹس اور ٹیک ھوم امتحانات پر مشتمل ہونگے۔تمام طلبہ کو امتحانات میں شرکت سے قبل ایک ڈکلریشن دینی ہوگی کہ “میں اپنے اعزاز پر وعدہ کرتا ہوں کہ میں نے اس امتحان میں کوئی غیر مجاز امداد نہیں دی ہے اور نہ ہی موصول ہوئی ہے”۔آن لائن امتحان پالسی کے مطابق طلبہ کو گوگل میٹ،کلاس روم اور جی میل تک رسائی حاصل کرنے کے لئے ماجو آفیشل ای میل آئی ڈی کا استعمال کرنا ہوگا۔اگر کسی طالب علم کو کسی جائیز مسلہ کا سامنا کرنا پڑے اور وہ مقررہ وقت میں امتحان نہیں دے سکتا ہو تو وہ طلبہ کے لئے فراہم کردہ ہنگامی نمبروں پر فوری طور پر ایس ایم ایس کے ذریعے اصل صورتحال سے آگاہ کرسکتا ہے۔امتحان کے اختتام پر طلبہ گوگل کلاس روم میں جوابات پر مشتمل تمام صفحات کی اسکین شدہ کاپی پر مناسب طریقے سے نمبرز اور دکھائی دینے والی اسنیپ شاٹس تصویر کے ساتھ اپ لوڈ کرینگے تاہم پوشیدہ یا غائب صفحات کی جانچ نہیں کی جائے گی۔
