اسلام آباد(این این آئی)اسپیکر قومی اسمبلی اسد قیصر کے احکامات پر کرونا وائرس سے بچائو کیلئے پارلیمنٹ ہاؤس میں جراثیم کش ادویات کا چھڑکاؤ اور صفائی کی گئی ۔ منگل کو پارلیمنٹ ہاؤس کی مکمل اندرونی فیومیگیشن کی گی۔قومی اسمبلی ہال، تمام چیمبرز اور دفاتر کی بھی فیومیگیشن کی گئی۔پارلیمنٹ ہاؤس کے واش رومز، رہداریاں ، سیڑھیاں اور پارکنگ ایریاز میں بھی مکمل طور پر

جراثیم کش ادویات کا چھڑکاو کیا گیا۔ اسپیکر قومی اسمبلی کے حکم پر انتظامیہ کی جانب سے سی ڈی اے کو 5 جون سے شروع ھونے والے اجلاس سے پھلی تمام ضروری اقدامات اٹھانے کی ہدایت کی گئی۔ ہدایت نامہ قومی اسمبلی کے جوائنٹ سیکرٹری انتظامی امور سید حسن مرتضیٰ بخاری کی جانب سے جاری کیا۔جوائنٹ سیکریٹری انتظامہ قومی اسمبلی اور سی ڈی اے کے افسران نے اس کارروائی کی نگرانی کی ۔

موضوعات:جراثیم کش ادویات