پشاور(آن لائن) اسلامیات کی کتاب سے ختم نبوت ۖ کے مضمون ہذف کرنے کی انکوائری ایک سال گزرنے کے باوجود مکمل نہ ہو سکی صوبائی ٹیکسٹ بک بورڈ کی جانب سے 2019-20میں کلاس فور اسلامیات کی کتاب میں ختم نبوت کے مضمون کو ہذف کرنے کا معاملہ پر خاموشی اختیارکر لی ہے ۔

گزشتہ سال مئی میں کتاب کو منسوخ کرکے واپس ٹیکسٹ بک بورڈ میں جمع کروانے اور اس کے لئے انکوائر ی کی کمیٹی قائم کی گئی تھی مگر ایک سال گزرنے کے باوجود انکوائری مکمل نہ ہو سکی جبکہ انکوائری کمیٹی بھی ختم کی گئی ہے جبکہ ملو ث افراد کے خلاف کاروائی بھی عمل میں لائی نہیں جا سکی سوشل میڈیا پر گزشتہ دونوں کے دوران وائر ل ہونے والی ویڈیو میں دعوی کیا گیا تھا کہ خیبرپختونخوا ٹیکسٹ بک بورڈ کی 2017-18کی کتاب میں ختم نبوت کامضمون موجود تھا تاہم سال 2019-20کتاب میں یہ مضمون مکمل طور پر غائب کردیا جس پر محکمہ تعلیم نے موقف اختیار کیا کہ 2019میں اس کتاب کو منسوخ کیا گیا ہے اور اسلامیات کی کتاب کے گریڈ 4سے متعلق تمام سکولوں کے سربراہوں کو ہدایات بھی کی ہے کہ وہ کتابیں فوری طور پر ٹیکسٹ بک بورڈ میں جمع کرائیں ۔