لاہور ( آن لائن ) حکومت پنجاب کورونا مریضوں کے علاج کیلے اہم فیصلہ کرلیا، ایکسپرٹ ایڈوائزری گروپ کی منظوری کے بغیر کورونا مریضوں کو کوئی دوائی نہیں دی جائے گی،ٹیچنگ ہسپتالوں کو مریضوں کیلئیانجکشن ٹیسی زومیب کا سٹاک خریدنے کی ہدایت کردی گئی۔ میڈیا رپورٹس کے مطابق وزیرصحت پنجاب ڈاکٹر یاسمین راشد کی زیر صدارت محکمہ سپیشلائزڈ ہیلتھ کیئر اینڈمیڈیکل ایجوکیشن میں کورونا پھیلاؤ کی موجودہ صورتحال، کورونا مریضوں کے علاج ومعالجے اور کورونا وائرس کے تدارک سے متعلق اجلاس ہوا۔
اجلاس میں فیصلہ کیا گیا کہ کورونا مریضوں کو کوئی بھی دوا کورونا ایکسپرٹ ایڈوائزری گروپ کی منظوری کے بغیرنہیں دی جائے گی۔ جبکہ ٹیچنگ ہسپتالوں کو ہدایت کی گئی ہے کہ شدید علیل مریضوں کیلئے انجکشن ٹیسی لی زومیب کا سٹاک خریدا جائے۔اجلاس میں ایڈیشنل سیکریٹری ڈاکٹرآصف طفیل، ایڈیشنل سیکریٹری ڈاکٹر سلمان شاہد، کورونا ایکسپرٹ ایڈوائزری گروپ کے سربراہ پروفیسر ڈاکٹرمحمود شوکت، وائس چانسلرکنگ ایڈورڈ میڈیکل یونیورسٹی پروفیسر ڈاکٹر خالد مسعود گوندل، چیف ایگزیکٹوآفیسرمیوہسپتال پروفیسرڈاکٹراسد اسلم خان، پرنسپل سمز پروفیسر ڈاکٹرمحمود ایاز، پروفیسر ڈاکٹر عامرزمان، پروفیسرڈاکٹرسردارالفرید ظفر، ڈاکٹر طاہر خلیل، ڈاکٹراحتشام، ڈاکٹرفرخ سلطان ودیگر شریک ہوئے۔دوسری جانب ملک میں گزشتہ 24 گھنٹوں کے دوران کورونا وائرس کے 2076 نئے کیسزاور مزید 36 اموات رپورٹ ہوئی ہیں جبکہ 8 ہزار 687 افراد کے ٹیسٹ کئے گئے ہیں، نیشنل کمانڈ اینڈ ا?پریشن سینٹر (این سی او سی) کی تازہ ترین اپ ڈیٹ کے مطابق ملک بھر میں کورونا وائرس کے ایکٹو کیسز کی تعداد 39 ہزار 736، تصدیق شدہ کیسز کی تعداد بھی61 ہزار 227 تک پہنچ گئی، گذشتہ 24 گھنٹوں کے دوران 2076 نئے کیسز رپورٹ ہوئے، 36 مزید اموات کے ساتھ مجموعی اموات 1260 ہو گئی ہیں۔این سی او سی کے مطابق سندھ میں سب سے زیادہ 24 ہزار 206 کورونا وائرس کیسز رپورٹ ہوئے۔ پنجاب میں کورونا وائرس کیسز کی تعداد 22 ہزار 37 تک پہنچ گئی ہے۔
خیبرپختونخوا میں کیسز کی تعداد 8 ہزار 483 اور اسلام ا?باد میں 2015 ہو گئی۔ بلوچستان میں 3616، گلگت بلتستان میں 651 کیسز رپورٹ ہوئے۔ ا?زاد کشمیر میں کورونا وائرس کیسز کی تعداد 219 ہو گئی۔ ملک بھر میں اب تک 20 ہزار 231 مریض مکمل طور پر صحت یاب ہو گئے۔این سی او سی کے مطابق گزشتہ 24 گھنٹوں میں 36 اموات ہوئی ہیں۔ کورونا وائرس سے موت کے منہ میں جانے والے افراد کی تعداد 1260 تک پہنچ گئی جن میں سندھ میں 380، پنجاب میں 381، کے پی کے میں 425، گلگت بلتستان 9، ا?زاد جموں و کشمیر میں 5، اسلام ا?باد میں 19 اور بلوچستان میں 42 شامل ہیں۔ اب تک 5 لاکھ 80 ہزار 96 افراد کے کورونا وائرس کیلئے ٹیسٹ کئے گئے۔ گزشتہ 24 گھنٹوں میں 8 ہزار 687 افراد کے ٹیسٹ کئے گئے۔ ملک کے 726 ہسپتالوں میں 4700 مریض زیر علاج ہیں۔ 457 کورونا متاثرین کی حالت تشویشناک بتائی جاتی ہے۔
