فیصل آباد (آن لائن ) ناخلف بیٹے نے باپ کو موت کے گھاٹ اتار دیا جبکہ رشتہ کے تنازعہ پر مسلح شخص نے ساتھی کے ہمراہ فائرنگ کرکے کزن کو قتل کرڈالا ‘ ملزمان گرفتار‘ آن لائن کے مطابق تھانہ ملت ٹائون کے علاقہ شمس آباد میں نامعلوم افراد نے امانت مسیح کے سر میں ہتھوڑا مار کر ابدی نیند سلا دیا۔ پولیس نے نامعلوم افراد کے خلاف قتل کا مقدمہ درج کر کے اس کے بیٹے منظور مسیح کو حراست میں لیکر بازپرس شروع کر دی۔
چک نمبر 53/1ٹکڑا کے رہائشی 20اے سی مکینک طاہر نوید ولد محمد اشرف کو اس کے کزن ملزم زبیر اور اسکے ساتھی نے گھر سے باہر بلایا اور گولیاں مار کر موقع پر ہی قتل کردیا ‘ پولیس نے دونوں ملزمان کو گرفتار کرکے تفتیش کا آغاز کردیا‘ مقتول کو نماز جنازہ کی ادائیگی کے بعد پرد خاک کردیا گیا ‘ نوجوان کی نا گہانی موت پر گھر میں کہرام برپا ہو گیا اور علاقہ کی فضاء سوگوار ہو گئی ۔
