لاہور (آن لائن) محکمہ داخلہ پنجاب نے پنجاب پولیس میں شامل 11 سو سابق فوجی اہلکاروں کی مدت ملازمت کے کنٹریکٹ میں 30 جون تک توسیع کردی ہے۔ اس توسیع کے بعد ان ملازمین کو ماہ مئی کی تنخواہ کا حصول یقینی ہوگیا ہے۔ بتایا گیا ہے کہ پنجاب پولیس نے بھرتی ہونے والے سابق فوجی اہلکاروں کا بھرتی کنٹریکٹ جو 26 اپریل کو ختم ہو گیا تھا۔ کنٹریکٹ ختم ہونے کی

وجہ سے مذکورہ ملازمین تنخواہوں سے محروم رہے جبکہ کنٹریکٹ میں 2 ماہ کی توسیع کے بعد ماہ جون میں ان اہلکاروں کو اپریل اور مئی کی تنخواہیں ادا کردی جائیں گی۔ واضح رہے کہ پنجاب پولیس میں بھرتی ہونے والے سابق فوجی اہلکار پولیس افسران کے دفاتر پر ڈیوٹی انجام دے رہے تھے جبکہ تنخواہ نہ ملنے کے باعث ان اہلکاروں کے گھروں کے چولہے ٹھنڈے ہو کر رہ گئے تھے۔