اسلام آباد(مانیٹرنگ ڈیسک)پاکستان میں کرونا وائرس کی انتہائی افسوسناک صورتحال،مزید 49افراد جاں بحق ہو گئے ہیں جبکہ 1804نئے کیس بھی رپورٹ ہوئے ہیں ۔ تفصیلات کے مطابق کرونا وائرس سے مزید 49 افراد جاں بحق ہوگئے جس کے بعد ہلاکتوں کی تعداد 563 ہوگئی جب کہ نئے کیسز سامنے آنے سے

مصدقہ مریضوں کی تعداد 24041 تک جاپہنچی ہے۔نجی ٹی وی کی رپورٹ کے مطابق اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 203 افراد انتقال کرچکے ہیں جب کہ پنجاب میں 175 اور سندھ میں 157 افراد جاں بحق ہوچکے ہیں۔اس کے علاوہ بلوچستان میں 21، اسلام آباد 4 اور گلگت بلتستان میں 3 افراد مہلک وائرس کے باعث جاں بحق ہو چکے ہیں۔آج بروز بدھ ملک بھر سے مزید 1804 کیسز رپورٹ ہوئے ہیں اور 49 ہلاکتیں سامنے آئی ہیں جن میں سندھ سے 451 کیسز 9 ہلاکتیں، پنجاب 944 کیسز 31 ہلاکتیں، خیبر پختونخوا سے 213 کیسز 9 ہلاکتیں،بلوچستان سے 168 کیسز، اسلام آباد 21 کیسز، کشمیر سے 5 اور گلگت بلتستان سے 2 کیسز رپورٹ ہوئے ہیں۔