اسلام آباد (مانیٹرنگ ڈیسک)پاکستان میں کرونا وائرس سے آج 19افراد زندگی کی بازی ہار گئے ہیں۔ تفصیلات کے مطابق پاکستان بھر سے آج نئے 385کیسز بھی سامنے آئے ہیں جس کے بعد متاثرین کی تعداد 21ہزار 8سو 38ہو گئی ہے ۔ ملک میں آج 19افراد کرونا وائرس سے جاں بحق ہو گئےہیں جس کے بعد مجموعی تعداد 505ہو گئی ہے

۔ نجی ٹی وی کی رپورٹ کے مطابق سب سے زیادہ اموات خیبرپختونخوا میں سامنے آئی ہیں جہاں کورونا سے 185 افراد انتقال کرچکے ہیں جب کہ سندھ میں 148 اور پنجاب میں 144 افراد جاں بحق ہوچکے ہیں۔اس کے علاوہ بلوچستان میں 21، اسلام آباد 4 اور گلگت بلتستان میں 3 افراد مہلک وائرس کے باعث جاں بحق ہو چکے ہیں۔