لاہور( آن لائن )میو اسپتال کے کورونا وارڈ میں چوہے دوڑنے لگے، وارڈ کی حالت دیکھ کر اچھا خاصا صحتمند شخص بھی بیمار محسوس کرتا ہے۔ مریضہ نے فوٹیج بنا کر حکومتی انتظامات کا پول کھول دیا۔تفصیلات کے مطابق لاہور کے میو اسپتال میں کورونا کے مشتبہ مریضوں کیلیے کیے گئے حکومتی اقدامات سے پردہ اٹھ گیا۔وارڈ میں داخل مریضہ نے ویڈیو بنا کر پول کھول دیا۔موبائل فوٹیج نے میو اسپتال میں صفائی کے انتظامات پر سوالات اٹھا دئیے۔مریضہ اسما کا کہنا ہے
کہ قرنطینہ میں مریضوں کا کسی قسم کا علاج نہیں ہو رہا۔میو سپتال کا قرنطینہ وارڈ چوہوں اور بلیوں کا آماجگاہ بن چکا ہے۔وارڈ کی حالت دیکھ کر اچھا خاصہ صحتمند شخص بھی بیمار محسوس کرنے لگتا ہے۔مریضہ کا کہنا ہے کہ بستروں پر کھٹمل پھر رہے ہیں جبکہ چوہے بھی بھاگ دوڑ رہے ہیں اور ہمیں کہا جا رہا ہے کہ کوئی بات نہیں چوہے آپ کو کھا نہیں جائیں گے۔وارڈ میں بچے بھی موجود ہیں جبکہ سحراورافطار میں بھی کچھ خاص کھانے کو نہیں دیا جاتا جس سے بہت مشکلات کا سامنا کرنا پڑ رہا ہے۔
