اسلام آباد (این این آئی)ملک بھر میں آج سے ٹائیگر فورس اپنا کام شروع کردیگی۔تفصیلات کے مطابق ملک بھر سے ٹائیگر فورس کے 10 لاکھ رضاکار رجسٹر ہوئے تھے، 10لاکھ جوان سٹیزن پورٹل ایپ سے رجسٹر کیے گئے،(آج) پیر سے ملک بھر میں ٹائیگر فورس اپنا کام شروع کردے گی، 4ہزار370 یوٹیلٹی اسٹورز اور 1000 سے زیادہ فرنچائزز پر ٹائیگر فورس کے جوان موجود رہیں گے۔

وزیر اعظم کے معاون خصوصی عثمان ڈار نے بتایا تھا کہ سندھ سے کوئی جواب نہیں آیا کہ ڈپٹی کمشنرز ٹائیگر فورس کیساتھ مل کر کام کریں گے یا نہیں، خیبر پختونخوا، پنجاب اور بلوچستان میں ٹائیگر فورس پیر سے کام شروع کردیگی،ٹائیگر فورس کے ہیلتھ ورکرز کو ہسپتالوں میں تمام حفاظتی سامان دیا جائے گا، مساجد میں ٹائیگر فورس کے جوان موجود رہیں گے اور ایس او پیز پر عملدرآمد کروائیں گے، سٹیزن پورٹل سے رجسٹرڈ جوانوں کو کوڈ دیا جائے گا تاکہ ان کو چیک کیا جاسکے، جو ٹائیگر فورس قوانین کیخلاف ورزی کرے گا اس کو فورس سے نکال دیا جائے گا، ٹائیگر فورس کو 40 منٹ کا ٹریننگ سیشن بھی دیا جائیگا ۔ معاون خصوصی نے بتایا تھا کہ اگرسندھ اور آزاد کشمیر سے ٹائیگر فورس کے ساتھ تعاون نہ کیا گیا تو وزیراعظم ان کا فیصلہ کریں گے۔