اسلام آباد (مانیٹرنگ ڈیسک)ملک میں کرونا وائرس سے مزید 5 افراد جاں بحق ہوگئےاور متاثرین کی تعداد میں بھی اضافہ ہو گیا ہے ۔ تفصیلات کے مطابق 5ہلاکتوں کے بعد پاکستان میں مجموعی تعداد 212ہو گئی ہے جبکہ متاثرین نئے کیسز سامنے آنے کے بعد ملک میں کنفرم مریضوں کی تعداد 10ہزار ایک سو 29ہو گئی ہے ۔نجی ٹی وی کی رپورٹ کے مطابق 212 ہلاکتوں میں

سے اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 80 افراد انتقال کرچکے ہیں۔اس کے علاوہ سندھ میں 69، پنجاب میں 51، بلوچستان میں 6 جب کہ گلگت بلتستان اوراسلام آباد میں تین، تین افراد اس مہلک وائرس کے باعث ہلاک ہوئے۔آج بروز بدھ کے دن ملک بھر سے اب تک کرونا کے مزید 463 کیسز رپورٹ ہوئے اور 5 ہلاکتیں بھی سامنے آئیں۔