لاہور( این این آئی )گورنمنٹ ایلیمنٹری سکول پنگالی ڈیرہ برکی کے احساس کیمپ میں رقم دینے کی بجائے غلط بیانی کرنے والے ایجنٹ کو گرفتار کرلیا گیا ۔ فہیم اسلم نے اقبال بانو کو رقم کی ادائیگی کرنے سے انکار کیا ۔ ۔انگوٹھا سیکننگ کے بعد ایجنٹ نے رقم ملتان روڈ سنٹر سے ملنے کی غلط بیانی کی۔
اقبال بانو 19 اپریل 2020 کو ملتان روڈ سنٹر گئیں جہاںتصدیق کے بعد معلوم ہوا کہ رقم 12 اپریل 2020 کو نکلوائی جا چکی ہے۔اقبال بانو کے شکایت کرنے پر ضلعی انتظامیہ نے کاروائی کر کے اقبال بانو کی رقم اسے دلوا دی جو 21ہزار روپے بنتی تھی ۔ ایجنٹ فہیم اسلم کے خلاف ایف آئی آر کا اندراج کروا کے گرفتار کر لیاگیا ۔
