اسلام آباد (این این آئی)پاک فضائیہ کی جانب سے ہزاروں خاندانوں میں ضروریاتِ زندگی اور متعلقہ اداروں کو حفاظتی سامان کی ترسیل کی گئی ۔ ترجمان پاک فضائیہ کے مطابق پاک بحریہ کی کورونا وائرس سے پیدا شدہ صورتحال میں امدادی سرگرمیاں ہفتہ کو بھی جاری رہیں مختلف علاقوں کے ہزاروں خاندانوں میں ضروریاتِ زندگی اور متعلقہ اداروں کو حفاظتی سامان کی ترسیل کی گئی ۔ ترجمان نے بتایاکہ سندھ اور بلوچستان میں مختلف ساحلی اور ملحقہ علاقوں کے ضرورتمند خاندانوں کو

گھر گھر راشن پہنچایا گیا۔ ترجمان کے مطابق علاوہ ازیں پنجاب کے مختلف اضلاع میں بھی ضروریاتِ زندگی اور راشن کی تقسیم کی گئی ۔ ترجمان کے مطابق مختلف ہسپتالوں کو کورونا سے بچاؤ کی میڈیکل کٹس اور حفاظتی سامان فراہم کیا گیا۔ ترجمان کے مطابق دیگر امدادی کاروائیوں کے ساتھ ساتھ پاک بحریہ نے بزریعہ جہاز کراچی بندرگاہ سے گوادر پورٹ امدادی سامان کی ترسیل اور تقسیم میں معاونت کی ۔ترجمان کے مطابق پاکستان نیوی ویمن ایسوسی ایشن نے بھی امدادی کاروائیوں میں بھرپور شرکت اور مری کے مضافات میں راشن کی تقسیم کیا ۔

موضوعات:پاک فضائیہ