دریاخان(این این آئی) غربت اور بے روزگاری سے تنگ 50 سالہ شخص نے گلے میں پھندا ڈال کر خود کشی کر لی۔ پولیس ذرائع کے مطابق محلہ کھیمٹانوالہ کا رہائشی یونس احساس پروگرام امداد کیلئے چکر لگاتا رہا ،امداد نہ ملنے پر دلبرداشتہ تھا متوفی چھ بچوں کا باپ تھا ،لاک ڈائون کے باعث کئی دن سے گھر میں فاقے تھے۔

غربت کے ہاتھوں تنگ آکر گلے میں پھندا ڈال کر درخت سے جھول گیا ،بھائی شہنشاہ کے مطابق لاک ڈائون سے قبل دیہاڑی کرتا تھا ،کئی دنوں سے مزدوری نہ ملنے پر دلبرداشتہ ہو کر خود کشی کی ،غیرت مند مزدور نے کسی کے آگے ہاتھ نہ پھیلایا پر موت کو گلے لگا لیا۔پولیس نے موقع پر پہنچ کر کارروائی شروع کردی۔