لندن (این این آئی)برطانوی ماہرین نے کھیلوں کے منتظمین کو خبردار کیا ہے کہ کورونا وائرس کے اثرات کے پیش نظرکھیلوں کی سرگرمیاں ہفتوں تماشائیوں کے بغیر ہوں گی۔ماہرین نے کہا کہ لاک ڈائون ختم ہونے کے باوجود کھیلوں کے مقابلے جلد شروع نہیں ہوں گے، بلکہ لاک ڈائون ختم ہونے کے 4 ہفتوں کے بعد کھیلوں کی سرگرمیاں شروع کی جا سکیں گی۔انہوں نے کہا کہ کھیلوں کی سرگرمیاں حفاظتی اقدامات کے بعد تماشائیوں کے بغیر ہفتوں جاری رہ سکتی ہیں۔
واضح رہے کہ برطانیہ سمیت یورپ میں لاک ڈائون کی وجہ کھیلوں کی سرگرمیاں معطل ہیں ، کلوز ڈ ڈور میں بھی میچز کے لیے 200 سے 300افراد کی اسٹیڈیم اور اس کے ارد گرد ضرورت ہو گی۔کورونا وائرس پر جب تک مکمل قابو نہیں پایا جاتا اسٹیڈیمز خطرے سے خالی نہیں ہوسکتے، کوئی ایک شخص بھی دیگر شائقین کیلئے وائرس کے پھیلائوکا باعث بن سکتا ہے۔ماہرین نے کہا کہ کرائوڈ کے ساتھ میچز کرانے کا فیصلہ جلد کرنا کسی بھی طور آسان نہیں ہوگا۔
