اسلام آباد(مانیٹرنگ ڈیسک)سوات کے 30سالہ نوجوان جنید خان نے کروناوائرس کو شکست دیدی ۔ تفصیلات کے مطابق نوجوان کا کہنا تھا کہ جب میرا کیس پازیٹو آیا اور کہا گیا کہ آپ کرونا وائرس کا شکار ہیں تو میں نے اس مہلک وباء کو شکست دینے کی ٹھان لی تھی ہر وقت یہی سوچتا تھا کہ ڈرنا نہیں لڑ کر مقابلہ کرنا ہے ۔ نجی ٹی وی پروگرام میں گفتگو کرتے ہوئےان کا کہنا تھا کہ جب کراچی سے
سوات پہنچا تو دو دن طبعیت بلکل ٹھیک تھی لیکن پھر اچانک بگڑ گئی تھی لیکن پھر اللہ پاک نے کرم کیا ۔ نوجوان کا کہنا تھا کہ مجھے پتا تھا کہ میں نے سفر کیا اور ساتھ جسم میں تبدیلیاں بھی رونما ہو رہی تھیں جس وجہ سے ٹیسٹ کروا لیا جو کہ مثبت نکلا مجھے اسپتال مین آئسولیشن وارڈ منتقل کیا گیا ۔ جنید خان کا کہنا تھا کہ ڈاکٹروں کی ہدایات کے مطابق دوائیں لیتا رہا ، ڈاکٹر نے کھانے میں پرہیز کا نہیں کھا تھا پھر جو چیز ممکن ہو وہ کھائیں ۔ نوجوان کا کہنا تھا کہ جب کسی کو کرونا وائر س کا بتا یا جاتا ہے تو وہ دماغی طور پر بہت پریشان ہو جاتا ہے لیکن میرے دماغ میں ہر وقت یہی چلتا رہا کہ بس اس بیماری سے نجات پانی ہے ۔ میں نے اللہ پاک سے دعائیں مانگیں اور کرونا سے ڈرنے کی بجائے لڑتا رہا اور بالآخر اللہ پاک نے مجھے فتح دی ۔
