اسلام آباد(مانیٹرنگ ڈیسک) گلگت بلتستان میں کورونا کے مزید 20 کیسز کی تصدیق جس کے بعد گلگت بلتستان میں متاثرہ افراد کی تعداد 148 ہوگئی ، ملک میں کورونا وائرس کیسز سے متعلق تفصیلات فراہم کرنے والی سرکاری ویب سائٹ کے مطابق گلگت بلتستان میں مزید 20 کیسز کا اضافہ ہوا ہے جس کے بعد علاقے میں متاثرین کی تعداد 148 ہوگئی ہے۔دوسری جانب راولپنڈی میں کورونا پازٹیو کے مریضوں میں مسلسل اضافہ ۔

کورونا پازٹیو مریضوں کی تعداد47 ہو گئی۔ تفصیلات کے مطابق کورونا پازٹیو کے مریض یورالوجی سینٹر ائسولیشن وغیرہ میں موجود ہیں ۔9 کرونا پازیٹو کیسز کو گھروں میں قرنطینہ میں رکھا گیا ہے جنہیں ہسپتال منتقل کیا جانا ہے ۔ ہسپتال ذرائع کے مطابق۔تمام مریضوں کی حالت بہتر ہے ،8 مریضوں کا تعلق راولپنڈی کے علاوہ دیگر علاقوں اسلام آباد بونیر، پشاور کوہاٹ اور سکردو وغیرہ سے ہے۔ حکام کے مطابق گذشتہ چوبیس گھنٹوں میں ٹیسٹ مثبت آنے پر 15 مریضوں کا اضافہ ہوا ۔