لاہور( این این آئی ) وزیراعلیٰ پنجاب سردار عثمان بزدارنے میو ہسپتال میں بزرگ مریض کے جاں بحق ہونے کے افسوسناک واقعہ پر گہرے دکھ اور افسوس کا اظہارکیاہے۔وزیراعلیٰ نے اس واقعہ کے بارے میں صوبائی سیکرٹری صحت سے رپورٹ طلب کر لی ہے۔ وزیراعلیٰ نے بزرگ مریض کے جاں بحق ہونے
کے واقعہ کی تحقیقات کا حکم دیتے ہوئے کہاکہ واقعہ کی غیرجانبدارانہ انکوائری کر کے حقائق منظر عام پر لائے جائیں۔ وزیراعلیٰ نے کہاکہ غفلت کے ذمہ داروں کا تعین کر کے کارروائی عمل میں لائی جائے -انہوں نے کہاکہ ایسا واقعہ کسی صورت برداشت نہیں کیا جاسکتا۔
