اسلام آباد (این این آئی) پاکستان مسلم لیگ (ن) کے صدر اور قائد حزب اختلاف شہبازشریف نے شاہد خاقان عباسی کے ناقابل ضمانت وارنٹ جاری کرنے کی شدید مذمت کرتے ہوئے کہاہے کہ نیب نیازی کورونا سے لڑنے کے بجائے اپوزیشن اور میڈیا سے لڑنے میں مصروف ہے ۔ ایک بیان میں انہوںنے کہاکہ ساری دنیا متحدہوکر اپنی قوم کو بچانے میں مصروف ہے۔ انہوںنے کہاکہ پاکستان میں حکومت کی ترجیح اپوزیشن اور میڈیا کو جیل بھیجنا ہے ۔ انہوںنے کہاکہ
قوم مرتی ہے تو مرجائے عمران نیازی کو اپنی انتقام کی پیاس بجھانی ہے ،اگر شاہد خاقان عباسی کو کچھ ہوا تو عمران نیازی ذمہ داری ہوگا ۔انہوںنے کہاکہ ایک طرف قیدیوں کو رہا کیاجارہا ہے، دوسری طرف ملک کی خدمت کرنے والوں کو گرفتار کیاجارہا ہے ۔ انہوںنے کہاکہ اپوزیشن عوام کی خاطر حکومت کی مدد کرنا چاہتی ہے لیکن حکومت انتشار پیدا کررہی ہے ،عمران نیازی اپنی مایوسیوں کی سزا قوم کو نہ دے ۔انہوںنے کہاکہ پہلے بھی نیب کے پاس کچھ نہ نکلا، یہ سیاسی تماشوں کو وقت نہیں۔
