لاہور(مانیٹرنگ ڈیسک) میو ہسپتال میں کرونا وائرس سے متاثرہ ایک 73 سال شخص انتقال کرگیا، اس بزرگ شہری کی ہلاکت کے بارے میں معروف صحافی حامد میر نے سماجی رابطے کی ویب سائٹ ٹوئٹر پر چینل 24 کے پروڈیوسر شکیل خان کا ایک ویڈیو بیان شیئر کیا ہے جس میں شکیل خان نے کہا کہ وہ یہاں پہلے سے داخل ہیں اور کل رات انہوں نے انتہائی دلخراش واقعہ دیکھا کہ میو ہسپتال کے کرونا وارڈ میں ایک مریض محمد حنیف کو رسیوں سے باندھ دیا گیا اس ظلم کے بعد اس کی موت واقع ہو گئی،
میو ہسپتال لاہور میں ایک مریض محمد حنیف کی دل خراش موت سے کچھ لمحے پہلے کے دردناک مناظر ایک اور مریض کی زبانی اور یہ کہانی پنجاب کے وسیم اکرم پلس عرف شیر شاہ سوری کے تمام دعووں کی نفی کرتی دکھائی دیتی ہے ان دعووں کو سچ قرار دینے والوں کی عقل پر صرف ماتم کیا جا سکتا ہے pic.twitter.com/lVVcXEIoSh
— Hamid Mir (@HamidMirPAK) March 27, 2020
معروف صحافی نے اپنے ٹوئٹ میں لکھا کہ چینل 24 کے پروڈیوسر شکیل خان کے سامنے کل رات میو ہسپتال لاہور کے کرونا وارڈ میں ایک مریض محمد حنیف کو رسیوں سے باندھ دیا گیا اس ظلم کے بعد اس کی موت کی کہانی شکیل کی زبانی سنئے، مریضوں کا خیال رکھنے والے طبی عملے کو ہمارا سلام لیکن محمد حنیف کے قاتلوں کو بے نقاب کرنا ہمارا فرض ہے۔ اپنے ایک اور ٹوئٹ میں معروف صحافی حامد میر نے ایک اور ویڈیو شیئر کیا اور کہا کہ میو ہسپتال لاہور میں ایک مریض محمد حنیف کی دل خراش موت سے کچھ لمحے پہلے کے درد ناک مناظر ایک اور مریض کی زبانی اور یہ کہانی پنجاب کے وسیم اکرم پلس عرف شیر شاہ سوری کے تمام دعوؤں کی نفی کرتی دکھائی دیتی ہے ان دعوؤں کو سچ قرار دینے والوں کی عقل پر صرف ماتم کیا جا سکتا ہے۔ اس ٹوئٹ میں واضح طور پر دیکھا جا سکتا ہے کہ مریض کو رسیوں سے باندھا گیا ہے اور وہ بار بار اپنے بھائی کو بلانے کے لئے چلا رہا ہے۔ ایک اور ٹوئٹ میں معروف صحافی حامد میر نے کہا کہ آج میو ہسپتال لاہور کے کرونا وارڈ میں ایک مریض ڈاکٹروں کی سنگدلی کے باعث مارا گیا اسے رات کو وینٹی لیٹر کی ضرورت تھی، مدد مانگی تو اسے رسیوں کے ساتھ بیڈ سے باندھ دیا گیا، صبح وہ انتقال کر گیا، ہمیں صرف ان سے پیار ہے جو مریضوں سے پیار کرتے ہیں جو مریضوں سے ظلم کرے گا اسے بے نقاب کریں گے۔ اس حوالے سے میو ہسپال کے سی ای او پروفیسر اسد اسلم نے کہاکہ مریض وارڈ سے بھاگنے کی کوشش کر رہا تھا جس پر اسے رسیوں سے باندھنا پڑا۔ دوسری طرف پنجاب حکومت کے ترجمان کا کہنا ہے کہ انکوائری کا حکم دے دیا گیا ہے، ماہرین کا گروپ موت کی وجوہات کی انکوائری کرے گا اور جو بھی ملوث پایا گیا اس کے خلاف سخت کارروائی کی جائے گی۔
چینل 24 کے پروڈیوسر شکیل خان کے سامنے کل رات میو ہسپتال لاہور کے کرونا وارڈ میں ایک مریض محمد حنیف کو رسیوں سے باندھ دیا گیا اس ظلم کے بعد اسکی موت کی کہانی شکیل کی زبانی سنئیے مریضوں کا خیال رکھنے والے طبی عملے کو ہمارا سلام لیکن محمد حنیف کے قاتلوں کو بے نقاب کرنا ہمارا فرض ہے pic.twitter.com/lYTTwvc88i
— Hamid Mir (@HamidMirPAK) March 27, 2020
