اسلام آباد (این این آئی)پاکستان میں کورونا وائرس کے 26 نئے کیسز سامنے آگئے،کورونا وائرس کے مریضوں کی کل تعداد 918 ہوگئی۔ منگل کو نیشنل کمانڈ اینڈ کنٹرول سینٹر نے کورونا وائرس کے تازہ اعداد و شمار جاری کر دئیے  جس کے مطابق سندھ میں کورونا وائرس کیسز کی تعداد 407 ہو گئی۔کمانڈ اینڈ کنٹرول سینٹر کے مطابق

پنجاب میں کورونا وائرس کیسز کی تعداد 267 ہوگئی ،بلوچستان میں 110 اور گلگت بلتستان میں تعداد 80 ہوگئی۔ کمانڈ اینڈ کنٹرول سینٹر کے مطابق کے پی کے میں 38 ، اسلام آباد میں 15 اور آزاد کشمیر میں ایک کیس سامنے آیا ۔ کمانڈ اینڈ کنٹرول سینٹر کے مطابق کورونا وائرس سے متاثرہ 7 لوگ زندگی کی بازی ہار گئے،ابتک کورونا وائرس کے 6 مریض صحتیاب ہوئے۔