اسلام آباد( آن لائن) چیئرمین پیپلزپارٹی بلاول بھٹو زرداری نے ملک بھر میں لاک ڈاؤن کا مطالبہ کردیا، بحران سے نمٹنے کے لئے جتنا جلدی ہوسکے فیصلہ کن اقدامات کئے جائیں۔ ہر گھنٹہ، ہر دن تاخیر سے کوروناوائرس کی وبا سے نمٹنا مشکل ہوتا چلاجائے گا۔ ہفتے کے روز ٹویٹر پر جاری پیغام میں بلاول بھٹو زرداری نے وفاقی حکومت سے ملک بھر
میں لاک ڈاؤن کا مطالبہ کرتے ہوئے کہا ہے کہ پاکستان کو مکمل لاک ڈاؤن کی طرف جانا چاہیے ہر گھنٹہ، ہر دن تاخیر سے کورونا وائرس وباسے نمٹنا اور مشکل ہوتا چلا جائے گا۔ پہلے ہی تاخیر ہوچکی ہے لاک ڈاؤن پہلے ہی کر لینا چاہیے تھابحران سے نمٹنے کے لئے جتنی جلدی ممکن ہوسکے فیصلہ کن اقدامات کئے جانے چاہییں۔
