سرگودھا (این این آئی) پاکستان ریلوے عوام کو دو ماہ ریلیف دینے کے لئے 09مارچ سے لے کر 08مئی 2020 تک اے سی بزنس اور اے سی سٹینڈرڈ کے کرایوں میں 10فیصد سے لے کر 25فیصد تک رعائیت دینے کا فیصلہ کیاہے۔ذرائع کے مطابق ان دو ماہ کے دوران اگر کوئی مسافر بیک وقت آنے اور جانے کی ٹکٹ حاصل کرئے گا تو اسے 25فیصد رعایت دی جائے گی۔ایک طرفہ ٹکٹ پر 10فیصد رعایت ہوگی۔ عوام کو یہ سہولت

صرف عوام ایکسپریس،ملت ایکسپریس، رحمان بابا، کراچی ایکسپریس، بزنس ایکسپریس، شالیمار ایکسپریس، شاہ حسین ایکسپریس، قراقرم ایکسپریس، سندھ ایکسپریس، بہاوالدین ذکریا ایکسپریس، گرین لائن، موسیٰ پاک، ملتان ایکسپریس، مہر ایکسپریس، تھل ایکسپریس، فیصل آبادایکسپریس، فیصل ایکسپریس، سبک رفتار، سبک خرام، راوال ایکسپریس اور اسلام آباد ایکسپریس گاڑیوں میں سفر کرنے پر دی جائے گی۔