کویت(مانیٹرنگ ڈیسک) دنیا بھر میں کرونا وائرس نے خوف کی فضاء قائم کی ہوئی ہے، خصوصاً چین میں اس وائرس سے ہلاکتوں کی تعداد پندرہ سو سے زائد ہو چکی ہے اور چین سمیت دنیا بھر میں ہزاروں افراد اس سے متاثر ہیں۔ عرب ممالک میں بھی اس وائرس سے متعلق تشویش پائی جا رہی ہے، کویت کی ایک سوشل میڈیا سٹار خاتون نے کرونا وائرس کے متاثرین کو انتہائی حیران کن آفر کر دی ہے، خاتون کا کہنا ہے کہ اگر وہ صحت یاب ہونا چاہتے ہیں تو اسے ایک ارب کویتی دینار دیں
جو کہ تین ارب امریکی ڈالر بنتے ہیں۔ کویتی خاتون سلوی المطیری کا کہنا ہے کہ اس کے بدلے وہ اُن کا کسی مستند طبی ادارے سے علاج کروا دے گی، بدلے میں اُن کے صحت یاب ہونے کی گارنٹی ہو گی۔اب سوال یہ ہے کہ اتنی بڑی رقم اس خاتون کو کون دے گا، یہ حیران کن آفر کرنے والی خاتون کا یہ بھی کہنا ہے کہ وہ مالی طور پر بہت مستحکم ہے لیکن اس کے باوجود اتنی بڑی رقم کا تقاضا کر دیا ہے اور وہ علاج بھی خود نہیں کرے گی بلکہ کہیں اور سے مریض کا علاج کروائے گی۔
