اسلام آباد(مانیٹرنگ ڈیسک) شوہر کے علاج کیلئے 5ہزار روپے کی ضرورت ، 68سالہ خاتون پیسوں کی کمی کیلئے ریس میں دوڑنے کا فیصلہ ۔ تفصیلات کے مطابق بھارتی ریاست مہاراشٹرا کی 68سالہ خاتون نے بتایا کہ میرے شوہر بہت سخت بیمار تھے جن کی جان بچانے کیلئے مجھے 5ہزار روپے کی ضرورت تھی ۔ بی بی سی کی رپورٹ کے مطابق خاتون لتہ کری کا کہنا ہے کہ میرے شوہر خوفناک بیماری میں مبتلا تھے

اور ایم آر آئی کیلئے 5ہزار روپے کی اشد ضرورت تھی ۔ میرے پاس ان کے علاج کیلئے پیسے نہیں اور ہمارے حالات بھی ایسے تھے کہ کوئی ہمیں ادھار بھی دینے کیلئے تیار نہ تھا ۔ گائوں کے کسی شخص نے بتایا کہ ایک دوڑ ہو رہی ہے جس میں جیتنے والے کو 5ہزار روپے دیئے جائیں گے ۔ انعامی رقم کا سن کا میں نے ریس میں حصہ لینے کا فیصلہ لیا ، بوڑھی خاتون نے بتایا کہ بھاگتے ہوئے میری جوتی ٹوٹ گئی لیکن میں نے ہمت نہیں ہاری بغیر جوتی کے ہی دوڑ میں حصہ لیا اور ریس جیت لی ، جیسے ہی مجھے پتہ چلا کہ میں ریس جیت چکی ہوں تو یقینا جانئے خوشی سے میری آنکھوں سے آنسو نکل آئے ۔ بعد ازاں ان پر ایک فیچر چلم بھی بنائی گئی ۔ لتہ کری نے بتایا کہ مجھےکوئی شوق نہیں تھا کہ میں فلم میں آئوں ، مجھے صرف پیسے کی ضرورت تھی ، اپنے شوہر کی جان بچانے کیلئے میں کسی بھی خطرے کو مول لے سکتی تھی ۔ 68سالہ خاتون کی زندگی پر فلم بنانے والے ڈائریکٹر ناوین کمار کا کہنا تھا کہ میں نے ایک مقامی اخبار میں خاتون کی کہانی پڑی ۔ مجھے بہت اچھا لگا کہ ایک بوڑھی خاتون اپنے شوہر کی جان بچانے کیلئے کس طرح جدوجہد کر رہی ہے ۔ ہم تو وہاں ڈاکو منٹری بنانے کیلئے گئے تھے ، تاہم خاتون کی جدو جہد دیکھ کر فیچر فلم بنا دی ۔ جبکہ خاتون کے شوکا کہنا تھا کہ یقین جانئے مجھے بالکل بھی اندازہ نہ تھا کہ میری بیوی میرے لیے یہ سب کرے گی لیکن جب مجھے پتہ چلا کہ وہ میرے لیے ریس میں دوڑی بہت غمزدہ ہو لیکن مجھے اپنی بیوی پر فخر ہے۔