اسلام آباد (این این آئی)سپریم کورٹ میں نیب نے پنجاب 71 کمپنیاں کیس میں جواب جمع کرا دیا ہے جس میں کہاگیا کہ پنجاب فنانس ڈویژن نے 53 کمپنیوں کو 193 ارب روپیہ دیا ۔نیب نے اپنے جواب میں کہاکہ 18 کمپنیوں کو پنجاب فنانس ڈویڑن نے کوئی رقم نہیں دی۔نیب کے مطابق کچھ کمپنیوں نے ٹی ایم ایز اور غیر ملکی فنڈز 163 ارب روپے بھی لیے ،غیر ملکی ڈونر سے ساڑھے چودہ ارب مزید کمپنیوں کو ملے۔نیب کے مطابق شہباز شریف کیخلاف 660 ملین کا
ریفرنس دائر کر دیا ہے،کمپنیوں کے معاملہ پر مزید دو ریفرنس دائر کیے گئے۔نیب کے مطابق کمپنیوں کے معاملہ پر دو تحقیقات،15 انکوائریاں زیر التواء ہیں،کمپنیوں کیخلاف 14 انکوائریوں میں محکمانہ کارروائی کی سفارش کردی۔نیب کی رپورٹ کے مطابق 29 کمپنیوں کے خلاف انکوائریاں بند کرنے کی سفارش کردی،پنجاب کمپنیوں کے معاملہ میں 1019 ملین روپے پلی بارگین سے ریکور کیے۔نیب کے مطابق پنجاب کی 71 کمپنیوں میں سے 48 فعال اور 33 غیر فعال ہیں۔
