اسلام آباد(مانیٹرنگ ڈیسک)ایک نامعلوم شخص نے 14 اسرائیلی فوجیوں کو گاڑی تلے روند ڈالا‘ تمام فوجی شدید زخمی ۔عالمی میڈیاکے مطابق یہ واقعہ بدھ اور جمعرات کی درمیانی شب پیش آیا۔ نامعلوم شخص نے 14 اسرائیلی فوجیوں کو گاڑی تلے روند ڈالا اور موقع سے فرار ہونے میں کامیاب ہو گیا ۔ اسرائیلی میڈیا کے

مطابق فوجیوں کو روندنے والی گاڑی بیت لحم کے نزدیک کھڑی ملی۔بیت المقدس میں الحدث نیوز چینل کے ایک نمائندے نے دعویٰ کیا ہے کہ اسرائیل سمجھتا ہے کہ گاڑی چلانے والا ایک عرب شخص تھا جو بیت المقدس میں مقیم ہے۔ واقعے کی مزید تحقیقات جاری ہیں ، ابھی تک کسی کی گرفتاری عمل میں نہیں آسکی۔