اسلام آباد (این این آئی)قومی اسمبلی کو بتایاگیا ہے کہ بھارتی زائرین کو بغیر پاسپورٹ کرتارپور آنے کی اجازت نہیں دی جا رہی، موجودہ طریقہ کار کے تحت بھارتی زائرین پاسپورٹ دکھا کر صبح سے شام تک راہداری کا دورہ کر سکتے ہیں،84 تنظیموں کو غیر قانونی اور کالعدم قرار دیا گیا ہے،انسداد دہشتگردی ایکٹ کے تحت 337 افراد کے بیرون ملک جانے پر پابندی عائد ہے۔ جمعہ کو وقفہ سوالات ک

ے دور ان وزیر داخلہ بریگیڈئیر ریٹائرڈ اعجاز شاہ نے بتایاکہ بغیر پاسپورٹ زائرین کو آنے کی اجازت دینے کی ایک تجویز زیر غور ہے،اس تجویز پر وزارت خارجہ سے مفصل رائے لی جائے گی۔ انہوںنے کہاکہ موجودہ طریقہ کار کے تحت بھارتی زائرین پاسپورٹ دکھا کر صبح سے شام تک راہداری کا دورہ کر سکتے ہیں۔ وزیر داخلہ نے کہاکہ سیکیورٹی ادارے جسمانی اور الیکٹرانک سیکورٹی نظام کے تحت زائرین کی آنے اور جانے کی نقل و حرکت کی نگرانی کرتے ہیں۔ اعجاز شاہ نے بتایاکہ بھارتی زائرین کو پاکستان کی طرف نہ جانے کو یقینی بنایا جاتا ہے۔ وزیر داخلہ نے کہاکہ کنٹرول روم سے کیمروں کی نگرانی کے ذریعے راہداری کی تمام سرگرمیوں کی نگرانی کی جاتی ہے۔ اجلاس کے دور ان وزارت داخلہ کی جانب سے تحریری جواب میں بتایاگیا کہ 84 تنظیموں کو غیر قانونی اور کالعدم قرار دیا گیا ہے،انسداد دہشتگردی ایکٹ کے تحت 337 افراد کے بیرون ملک جانے پر پابندی عائد ہے۔ مسلم لیگ (ن)کی رکن اسمبلی شائستہ پرویز ملک نے کہاکہ چار ماہ پہلے سوال جمع کرایا جواب اب آیا ہے،اب کرتار پور کا سوال اپنی اہمیت کھوچکا ہے۔ وزیر مملکت علی خان نے کہاکہ واقعی چار ماہ پہلے سوال آیا تھا،ایسا نہیں ہونا چاہیے،ہزاروں سوال آتے ہیںلیکن جان بوجھ کر تاخیر نہیں کئے جاتے۔