اسلام آباد(مانیٹرنگ ڈیسک)صوبائی دارالخلافہ لاہور میں محکمہ پنجاب فوڈاتھارٹی کی کارروائی،مردہ مرغیوں کو شہر میں لانے کی کوشش کو ناکام بنا دیا ۔ کارروائی میں ایسے دو ٹرکوں کو پکڑا گیا ہے جن میں مردہ مرغیوں کا گوشت تھا۔ یہ سارا گوشت لاہور کی مختلف مارکیٹوں میں بھیجا جانا تھا۔

ٹولنٹن مارکیٹ میں چھاپہ مارتے ہوئے محکمہ فوڈ اتھارٹی نے 32 کلو مردہ مرغیوں کا گوشت برآمد کیا ۔اس کے علاوہ ایسے 6 مقامات کو بند کر کے ان کے خلاف مقدمہ درج کیا گیا ہے جہاں ایسے گوشت کی فروخت ہوتی تھی یا وہاں مردہ مرغیوں کا گوشت استعمال ہوتا تھا۔2ملزمان کو گرفتار کرلیا گیا۔