قاہرہ(این این آئی)مصر کے سابق صدر حسنی مبارک کے پوتے عمرعلاء مبارک نے کچھ دن قبل پیچیدہ سرجری کے عمل سے گذرنے والے اپنے دادا کی تازہ تصویر شائع کی ہے۔معدے کی سرجری کے بعد حسنی مبارک کی پہلی تصویر ہے جس میں انہیں اپنے پوتے کے ہمراہ دیکھا جا سکتا ہے۔عرب ٹی وی کے مطابق عمر علاء مبارک نے انسٹا گرام کے اکائونٹ سے یہ تصویر جاری کی اور ساتھ ہی حسنی مبارک کے لیے اپنی محبت بھرے جذبات کا
بھی اظہارکیا گیا ۔سابق مصری صدر حسنی مبارک کے اہل خانہ کے قریبی ذریعے نے بتایا کہ حسنی مبارک کے معدے میں تکلیف کے بعد ان کی سرجری کی گئی تاہم اب وہ بہتر ہیں۔ انہیں دو ہفتے پیشتر قاہرہ میں المعادی ملٹری اسپتال میں علاج کے لیے داخل کیا گیا تھا۔خاندانی ذرائع کا کہنا تھا کہ حسنی مبارک تیزی سے روبہ صحت ہیں تاہم وہ چند روز تک اسپتال میں ہی رہیں گے، اس کے بعد انہیں گھر بھیج دیا جائیگا۔
