راولپنڈی(این این آئی)کرونا وائرس کے خدشہ کے پیش نظر سی پیک پر کام کرنے والے چینی باشندوں کی اسکریننگ کا فیصلہ کرلیا۔ ترجمان پنجاب پولیس کے مطابق سی پیک منصوبے پر کام کرنے والے 4 ہزار چینیوں کو ماسک دے دیئے گئے۔ ترجمان نے کہاکہ ملتان اور اسلام آباد ائیرپورٹ پر چینی باشندوں
کے طبی معائنے کیلئے اسکریننگ کاؤنٹرز بھی لگا دیئے گئے۔ ترجمان پنجاب پولیس نے کہاکہ چینی باشندوں کی سیکیورٹی پر مامور 10 ہزار پولیس اہلکاروں کو ماسک فراہم کر دیئے گئے ہیں۔ ترجمان پنجاب پولیس نے کہاکہ پولیس حکام متعلقہ اضلاع کے ڈی ایچ اوز کے ساتھ رابطے میں رہیں گے۔
