تہران (مانیٹرنگ ڈیسک) قدس فورس کے سربراہ میجر جنرل قاسم سلیمانی کے عراقی دارالحکومت بغداد میں ہونے والے جنازے میں لاکھوں افراد نے شرکت کی۔نجی ٹی وی کی رپورٹ کے مطابق قاسم سلیمانی اور دیگر رفقاء کی میتیں کربلا پہنچادی گئیں۔ امریکی حملے میں مارے جانے والے ایرانی میجر جنرل قاسم سلیمانی اور ان کے دیگر رفقاء کی میتوں کو
امام حسینؓ کے روضے سے نجف اشرف لے جایا جائے گا جہاں ان کی میت کو مشہد الرضا کی زیارت کے بعد تہران منتقل کیا جائے گا۔قبل ازیں عراقی دارالحکومت بغداد میں جنرل قاسم سلیمانی اور عراقی ملیشیا کمانڈر ابو مہدی ال مہندیس سمیت حملے میں جاں بحق ہونے والے تمام افراد کی نماز جنازہ ادا کی گئی جس میں لاکھوں افراد نے شرکت کی۔
