کراچی(این این آئی)ایم کیو ایم پاکستان کے تحفظات دور نہ ہو سکے، کراچی بحالی کمیٹی کے اجلاس میں پیش رفت نہ ہو سکی۔اس ضمن میں متحدہ قومی موومنٹ پاکستان کے ذرائع نے بتایاکہ کراچی بحالی کمیٹی کے اجلاس میں کوئی پیش رفت سامنے نہیں آئی ہے، یہ ایک معمول کا اجلاس تھا۔گزشتہ روز گورنر سندھ عمران اسماعیل نے کراچی بحالی کمیٹی کا اجلاس طلب کیا تھا، اجلاس میں کراچی میں ترقیاتی کاموں سے متعلق ایم کیو ایم کے
تحفظات دور کیے جانے تھے، تاہم ایم کیو ایم ذرائع کے مطابق یہ معمول کا اجلاس تھا، اہم پیش رفت سامنے نہ آسکی۔ایم کیوایم ذرائع کے مطابق ترقیاتی پیکج اور منصوبوں کی تکمیل بدستور سست روی کا شکار ہے، اس سے متعلق ایم کیو ایم کے تحفظات بھی برقرار ہیں، اجلاس میں نہ کوئی نئی اسکیم کی بات ہوئی نہ فنڈز کے اجرا کی، تحفظات دور نہ ہونے کی وجہ ہی سے متحدہ ارکان پریس کانفرنس میں شامل نہیں ہوئے۔
