لاہور( این این آئی )دنیا کے متعدد ممالک میں پاکستان کے معیاری وقت سے 9 گھنٹے قبل ہی نئے سال کا آغاز ہو گیا ۔دنیا میں سب سے پہلے 2020 کا آغاز وسطی بحریہ اوقیانوس کے جزائر ٹونگا اور کیریباتی سے ہوا، یہاں پاکستان سے 9 گھنٹے پہلے نیا سال شروع ہوتا ہے، اس جزیرے میں

پاکستانی وقت کے مطابق سہ پہر تین بجے کے بعد نیا سال شروع ہوجاتا ہے۔ٹونگا اور کریباتی میں سال نو کے کچھ منٹ بعد نیوزی لینڈ کے جزیرے چاٹھن میں بھی نئے سال کا آغاز ہوااس کے بعد نیوزی لینڈ کے سب سے بڑے شہر آکلینڈ میں نئے سال کا آغاز ہواجبکہ پاکستانی وقت شام 4 بجے تھا۔نیوزی لینڈ دنیا کا وہ پہلا بڑا اور معروف ملک جبکہ آکلینڈ وہ پہلا شہر ہے جہاں سال نو کا آغاز سب سے پہلے ہوتا ہے۔اس کے بعد سال 2020 روس کے دور دراز کے جزائر میں ہواجہاں پاکستان کے شام 5 بجے نیا سال شروع ہوگیا۔ٹائمز اینڈ ڈیٹ ڈاٹ کام کے مطابق نیوزی لینڈ اور روس کے بعد آسٹریلیا میں سال 2020 کا آغاز ہواجہاں پاکستان کے شام 6 بجے کے بعد نئے سال کا آغاز ہوا ۔پاکستان کے شام 6 بجے سے رات 8 بجے تک سال 2020 کا آغاز براعظم آسٹریلیا کے دور دراز جزائر میں ہوا۔براعظم آسٹریلیا کے بعد سال 2020 کا آغاز جاپان میں ہوا جس کے بعد جنوبی کوریا سمیت قریبی ممالک میں بھی نئے سال کی شروعات ہوئیں۔جاپان، شمالی کوریا، فلپائن، چین، انڈونیشیا، تھائی لینڈ، میانمار، بنگلا دیش، نیپال، سری لنکا اور بھارت سے ہوتا ہوا سال 2020 پاکستان پہنچا۔