واشنگٹن(این این آئی)امریکا میں دوران پرواز ڈیلٹا ائیرلائن کے طیارے میں 10 سالہ بچی کی پراسرار موت کے باعث ہنگامی لینڈنگ کرنا پڑی۔میڈیارپورٹس کے مطابق طیارے کو طبی ہنگامی صورت حال کے پیش نظر لاس اینجلس ائیرپورٹ پر ایمرجنسی لینڈنگ کرنا پڑی،طیارے میں دوران پرواز ایک بچی کی موت واقع ہوگئی تھی۔ ائیرپورٹ میں طبی عملے نے بچی کے معائنے کے بعد موت کی تصدیق

کرتے ہوئے بتایا کہ بچی نے دوران پرواز ہی طیارے میں دم توڑ دیا تھا تاہم موت کی وجہ کا تعین نہیں کیا جا سکا۔لاس اینجلس سول ایوی ایشن کی جانب سے بچی کی موت کی تحقیقات کے لیے انکوائری کمیٹی تشکیل دے دی گئی ہے۔دوسری جانب عینی شاہدین کا دعویٰ ہے کہ 10 سالہ بچی کو پرواز بھرنے کے فوری بعد سینے میں شدید درد ہوا تھا اور دل کے دورے کے سبب ہی موت واقع ہوئی ہے۔

موضوعات:ڈیلٹا ائیرلائن